Payyoli: വൈദ്യുതി ലൈനിലെ അറ്റകുറ്റപ്പണിക്കിടെ ഷോക്കേറ്റ് യുവാവ് മരിച്ചു. കൂരാച്ചുണ്ട് സ്വദേശി മേലേ പൂവത്തിന്‍ചോല കല്ലറയ്ക്കന്‍ റിന്‍സ് ജോര്‍ജ് (30) ആണ് മരിച്ചത്. മേലടി കെഎസ്ഇബി ഇലക്ട്രിക്കല്‍ സെക്ഷന് കീഴിലെ ജീവനക്കാരനാണ് ജോർജ്.
ഇന്ന് രാവിലെ 10.30 തോടെ കൊളാവിപ്പാലത്ത് വീട്ടിലേയ്ക്ക് പുതിയ പോസ്റ്റ് സ്ഥാപിക്കുന്നതിനിടെയായിരുന്നു അപകടം. വൈദ്യുതി കണക്ഷനായി പോസ്റ്റിന് മുകളില്‍ നിന്നും ലൈന്‍ വലിക്കുന്നതിനിടെ വൈദ്യുതി ലൈനില്‍ കൈതട്ടി ഷോക്കേല്‍ക്കുകയായിരുന്നു.
ഷോക്കേറ്റ ഉടനെ നാട്ടുകാരും കെഎസ്ഇബി അധികൃതരും ചേർന്ന് വടകര സഹകരണ ആശുപത്രിയില്‍ എത്തിച്ച് പ്രാഥമിക ചികിത്സ നല്‍കിയെങ്കിലും മരണം സംഭവിക്കുകയായിരുന്നു. പിതാവ്: ജോര്‍ജ്. മാതാവ്: ഡോളി. സഹോദരി: റിയ.