നെല്ലിപ്പൊയിൽ: കത്തോലിക്കാ കോൺഗ്രസിന്റെ 107-ാം സ്ഥാപകദിനം മഞ്ഞുവയൽ യൂണിറ്റ് പതാക ദിനമായി ആഘോഷിച്ചു. ഷിന്റോ കുന്നപ്പള്ളിയിൽ പതാക ഉയർത്തിയ ചടങ്ങിന്‌ കൗതുകകരമായ പങ്കാളിത്തമാണ് ലഭിച്ചത്.
യൂണിറ്റ് ഡയറക്ടർ ഫാദർ ജോർജ് കറുകമാലിയിലിന്റെ നേതൃത്വത്തിൽ നടന്ന ചടങ്ങിൽ മേഖലാ പ്രസിഡണ്ട് ജോസഫ് ആലവേലിയിൽ, സെക്രട്ടറി ജോയ് മൂത്തേടത്ത്, യുവജന വിംഗ് രൂപതാ സമിതി അംഗം ലൈജു അരീപ്പറമ്പിൽ, കെസിവൈഎം മേഖല സെക്രട്ടറി ഷാരോൺ പേണ്ടാനത്ത്, പാരീഷ് സെക്രട്ടറി ഡോ. ഷൈജു ഏലിയാസ് എന്നിവരും പങ്കെടുത്തു. നിരവധി അംഗങ്ങളും സോഷ്യൽ പ്രവർത്തകരും ചടങ്ങിൽ സാന്നിധ്യം വഹിച്ചു.
മെയ് 18-ന് പാലക്കാട് നടക്കുന്ന അന്തർദേശീയ കത്തോലിക്കാ കോൺഗ്രസ് സമ്മേളനത്തിലും സമുദായ ശാക്തീകരണ റാലിയിലും യൂണിറ്റ് അംഗങ്ങൾ പങ്കെടുക്കാൻ തീരുമാനിച്ചു.
English Summary:
The Manjuvayal unit of the Catholic Congress in Nellipoyil celebrated the organization's 107th foundation day with a flag-hoisting ceremony led by Shinto Kunnappallil. Various leaders and members participated. The unit will also take part in the upcoming international conference and empowerment rally in Palakkad on May 18