താമരശ്ശേരി പെരുമ്പള്ളിയിൽ ഓട്ടോറിക്ഷ അപകടം; നാല് പേർക്ക് പരുക്ക്, മൂന്ന് പേർ മെഡിക്കൽ കോളേജിൽ പ്രവേശിപ്പിച്ചു

 താമരശ്ശേരി:

കോഴിക്കോട്-കൊല്ലഗൽ ദേശീയപാതയിൽ താമരശ്ശേരി പെരുമ്പള്ളിയിൽ ഓട്ടോറിക്ഷ നിയന്ത്രണം വിട്ട് മതിലിൽ ഇടിച്ച് നാല് പേർക്ക് പരിക്കേറ്റു.

കോഴിക്കോട് റെയിൽവേ സ്റ്റേഷനിൽ നിന്നും കൈതപ്പൊയിലെ നോളജ് സിറ്റിയിലേക്ക് ജോലിക്കായി ബംഗാൾ സ്വദേശികളുമായി വരികയായിരുന്ന ഓട്ടോറിക്ഷയാണ് അപകടത്തിൽപ്പെട്ടത്.

അടിവാരം ഭാഗത്തേക്ക് പോവുമ്പോൾ, തെറ്റായ ദിശയിൽ കാർ കയറി വന്നത് കണ്ട ഓട്ടോ ഡ്രൈവർ സൈഡ് എടുക്കാൻ ശ്രമിച്ചപ്പോൾ, റോഡിന്റെ അര അടിയോളം ഉയർന്ന ടാറിങ്ങിൻ്റെ കട്ടിങ്ങിൽ നിന്നും പുറത്ത് ചാടി നിയന്ത്രണം നഷ്ടപ്പെട്ടു.

അപകടത്തിൽ ബംഗാൾ സ്വദേശികളായ റിസാഹുൽ ഹുസൈൻ, മുഹമ്മദ് സാമിർ, നാസിർ അലി, കൂടാതെ ഓട്ടോ ഡ്രൈവർ അഫ്സൽ (കൈതപ്പൊയിൽ) എന്നിവർക്ക് പരിക്കേറ്റു.

താമരശ്ശേരി താലൂക്ക് ആശുപത്രിയിൽ പ്രാഥമിക ചികിത്സ നൽകപ്പെട്ട ശേഷം മൂന്നു പേരെയും കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരിക്കുകയാണ്.

പോലീസ് സ്ഥലത്തെത്തി കൂടുതൽ അന്വേഷണം ആരംഭിച്ചു.