നെടുമ്പാശ്ശേരി വിമാനത്താവളത്തിനടുത്ത് പൊലീസ് നടത്തിയ പരിശോധനയിൽ 23 കിലോ കഞ്ചാവ് പിടികൂടി. കഞ്ചാവ് ഒളിപ്പിച്ചത് സൈക്കിൾ പമ്പുകളുടെ അകത്തായിരുന്നു. കഞ്ചാവ് ഒളിപ്പിച്ച് ഓട്ടോറിക്ഷയിൽ കടത്താൻ ശ്രമിച്ച നാല് പശ്ചിമബംഗാൾ സ്വദേശികളാണ് പൊലീസിന്റെ പിടിയിലായത്. റബീബുൽ മൊല്ല, സിറാജുൽ മുൻഷി, റാബി, സെയ്ഫുൽ ഷെയ്ഖ് എന്നിവരെയാണ് അറസ്റ്റ് ചെയ്തത്.
അസാധാരണമമായ രീതിയിൽ കഞ്ചാവ് കടത്താനുള്ള ശ്രമം നെടുമ്പാശ്ശേരി പൊലീസ് ഫയര്‍ഫോഴ്‌സിന്റെ സഹായത്തോടെ പൊളിച്ചടുക്കുകയായിരുന്നു. 200 സൈക്കിൾ പമ്പുകളാണ് കഞ്ചാവ് ഒളിപ്പിക്കാൻ ഉപയോഗിച്ചത്.
English Summary
Four West Bengal natives were arrested in Nedumbassery for smuggling 23 kg of ganja hidden inside bicycle pumps. Police discovered the drugs with the help of the fire force after cutting open the pumps.