താമരശ്ശേരി: കേരള സംസ്ഥാന ധനകാര്യ സ്ഥാപനമായ കെ.എസ്.എഫ്.ഇ (KSFE)യുടെ സാമൂഹിക ഉത്തരവാദിത്ത പദ്ധതി പ്രകാരം, "ലഹരിമുക്ത നവകേരളം" എന്ന സന്ദേശം പ്രചരിപ്പിക്കുന്നതിനായി, താമരശ്ശേരി വ്യാപാര ഭവൻ ഓഡിറ്റോറിയത്തിൽ കുടുംബ സംഗമം സംഘടിപ്പിച്ചു. അഡ്വ. പി.ടി.എ റഹീം എംഎൽഎ പരിപാടി ഉദ്ഘാടനം ചെയ്തു. ജില്ലാ പഞ്ചായത്ത് പ്രസിഡൻറ് ശ്രീമതി ഷീജ ശശി മുഖ്യപ്രഭാഷണം നടത്തി.
KSFE റീജിയണൽ മാനേജർ ശ്രീ. അഭിരാം കൃഷ്ണ അദ്ധ്യക്ഷത വഹിച്ച ചടങ്ങിൽ, ലഹരി വിരുദ്ധ പ്രതിജ്ഞയെ സീനിയർ മാനേജർ ശ്രീ. രാജേന്ദ്രൻ മന്നമ്പത്ത് നയിച്ചു. എക്സൈസ് പ്രിവൻ്റീവ് ഓഫീസർ ശ്രീ. ഷാജു സി.ജി ലഹരിവിരുദ്ധ ബോധവത്കരണ ക്ലാസ് കൈകാര്യം ചെയ്തു. സംഘടനാ പ്രതിനിധികൾ ആശംസകൾ അർപ്പിച്ചു.
സീനിയർ മാനേജർ ശ്രീ. സുനിൽകുമാർ ടി.കെ സ്വാഗതവും ചീഫ് മാനേജർ ശ്രീ. പ്രഭാകരൻ പി.കെ നന്ദിയും രേഖപ്പെടുത്തി. തുടർന്ന് ജീവനക്കാരുടെയും കുടുംബാംഗങ്ങളുടെയും വിവിധ കലാപരിപാടികൾ അരങ്ങേറി.
സമ്മേളനം സമുദായചിന്തയും ലഹരിക്കെതിരായ ബോധവത്കരണവും ലക്ഷ്യമാക്കി നടന്നു.
