പാനൂർ:
ഹെൽമറ്റ് ധരിക്കാതെ സെൻ്റർ സ്റ്റാൻഡിൽ സ്കൂട്ടർ സ്റ്റാർട്ടാക്കിയതിന് മദ്രസ അധ്യാപകന് പിഴ ചുമത്തിയ സംഭവം ചര്‍ച്ചയാകുന്നു. താമരശ്ശേരി സ്വദേശിയും മതാധ്യാപകനുമായ സുബൈർ നിസാമിക്ക് എതിരെ പൊലീസ് നടപടി എടുത്തത് അദ്ദേഹം റോഡരികിൽ നിന്നു വാഹനം സ്റ്റാർട്ടാക്കുന്നതിനിടെയാണ്.
നാലാം തിയതി പാനൂരിലേക്ക് സഞ്ചരിക്കവേ സ്കൂട്ടർ ഓഫ് ആയതിനെ തുടർന്ന് സുബൈർ നിസാമി വാഹനം സെൻ്റർ സ്റ്റാൻഡിൽ നിർത്തി കിക്കർ അടിച്ച് സ്റ്റാർട്ടാക്കാൻ ശ്രമിച്ചു. ഈ സമയത്ത് ഹെൽമറ്റ് തലയിൽ ഇല്ലാതിരുന്നത് പാനൂർ പൊലീസിന്‍റെ ശ്രദ്ധയിൽപ്പെടുകയും ഫോട്ടോ എടുത്ത ശേഷം പിഴ ചുമത്തുകയും ചെയ്തു.
പിന്നീട് ഇൻഷുറൻസ് അടയ്ക്കാനായി പോകുമ്പോഴാണ് പിഴയുള്ളത് സുബൈർ ശ്രദ്ധയിൽപ്പെട്ടത്.
ഇത്തരത്തിൽ വാഹനമോടിക്കുന്നതിനിടെയല്ല, വെറും സ്റ്റാർട്ട് ചെയ്യുമ്പോഴും ഹെൽമറ്റ് ധരിക്കേണ്ടതുണ്ടോയെന്ന ചോദ്യവും സംഭവം ഉയർത്തുന്നു
ണ്ട്