താമരശേരി ഷഹബാസ് കൊലക്കേസില്‍ അറസ്റ്റിലായ വിദ്യാര്‍ഥികളുടെ ജാമ്യഹര്‍ജി ഇന്ന് കേരള ഹൈക്കോടതി പരിഗണിക്കും. വെള്ളിമാടുകുന്ന് ഒബ്‌സേര്‍വേഷന്‍ ഹോമില്‍ കഴിയുന്ന ആറ് വിദ്യാര്‍ഥികളാണ് ജാമ്യത്തിനായി ഹര്‍ജി നല്‍കിയത്. പ്രതിഭാഗം വാദിച്ചതുപോലെ, വിദ്യാര്‍ഥികള്‍ ഇതിനകം 80 ദിവസമായി കസ്റ്റഡിയിലാണെന്നും, ഭീഷണിയെന്ന പേരില്‍ ജാമ്യം നിഷേധിക്കുന്നത് നീതിയിലേക്കുള്ള തടസ്സമാണെന്നുമാണ് അഭിഭാഷകര്‍ കോടതിയില്‍ ഉന്നയിച്ച വാദം.
കഴിഞ്ഞ ദിവസം പ്രസിദ്ധീകരിച്ച പത്താം ക്ലാസ് ഫലപ്രകാരം, കുട്ടികളില്‍ രണ്ടു പേര്‍ മുഴുവന്‍ എ പ്ലസും, ഒരാള്‍ക്ക് ഏഴ് എ പ്ലസും ലഭിച്ചു. ഇനി അവരുടെ പഠനം തുടരാന്‍ അവസരം ലഭിക്കണമെന്ന് പ്രതിഭാഗം കോടതിയോട് അപേക്ഷിച്ചു.
പരീക്ഷാഫലം തടഞ്ഞുവച്ച സംഭവത്തില്‍ ഹൈക്കോടതി സര്‍ക്കാരിനെ കർശനമായി വിമര്‍ശിക്കുകയും, കുട്ടികളുടെ വിദ്യാഭ്യാസാവകാശം സംരക്ഷിക്കണമെന്ന് നിര്‍ദേശിക്കുകയും ചെയ്തു. ബാലാവകാശ കമ്മീഷന്റെ നിര്‍ദേശത്തെ പിന്തുടര്‍ന്നാണ് ഫലം പിന്നീട് പ്രസിദ്ധീകരിച്ച
ത്.