കോഴിക്കോട്:
വാഷിംഗ് മെഷീനിന്റെ ഉള്ളിൽ അകപ്പെട്ട നാല് വയസ്സുകാരനെ ഫയർ ഫോഴ്സ് അതിസാഹസികമായി രക്ഷപ്പെടുത്തി. കോഴിക്കോട് ഒളവണ്ണക്കടുത്തുള്ള ഇരിങ്ങല്ലൂർ ഞണ്ടാടിത്താഴത്ത് ബുധനാഴ്ച രാത്രിയിലാണ് സംഭവം.
കളിക്കവേ ടോപ്പ് ലോഡർ വാഷിംഗ് മെഷീനിൽ അബദ്ധത്തിൽ കയറിയ കുട്ടി പിന്നീട് അകപ്പെടുകയായിരുന്നു. വിവരമറിഞ്ഞ ഉടൻ മീഞ്ചന്ത ഫയർ സ്റ്റേഷനിൽ നിന്നുള്ള സംഘം സ്ഥലത്തെത്തി രക്ഷാപ്രവർത്തനം ആരംഭിച്ചു.
വീട് എത്തിയ ഫയർഫോഴ്‌സ് ആദ്യം കയ്യോ കാലോ മെഷീനിനകത്ത് കുടുങ്ങിയതായി കരുതിയിരുന്നുവെങ്കിലും, ഹനാൻ (4 വയസ്സ്) പൂർണമായും മെഷീനിനകത്ത് അകപ്പെട്ടിരിക്കുകയായിരുന്നു. പിന്നീട് ഗ്രേഡ് അസിസ്റ്റൻറ് സ്റ്റേഷൻ ഓഫീസർ ഡബ്ല്യു. സനലിന്റെ നേതൃത്വത്തിൽ ദ്രുതഗതിയിലുള്ള രക്ഷാപ്രവർത്തനമാണ് ആരംഭിച്ചത്.
ഭയന്തതിൽ ആകഞ്ഞിരുന്ന കുട്ടിയെ പരിക്കില്ലാതെ പുറത്തെടുക്കുന്നത് വലിയ വെല്ലുവിളിയായിരുന്നു. വീട്ടുകാരുടെയും അയൽവാസികളുടെയും സഹായത്തോടെ രാത്രി ഒമ്പതരയ്ക്ക് ആരംഭിച്ച രക്ഷാപ്രവർത്തനം പത്തരയോടെ ഫലം കണ്ടു. കുട്ടിയെ പരിക്കൊന്നുമില്ലാതെ രക്ഷപ്പെടുത്താനായതിന്റെ സന്തോഷത്തിലാണ് ഫയർ ഫോഴ്സ് ഉദ്യോഗസ്ഥർ.
വീട്ടുകാർക്കു പുറമേ ജനങ്ങളെയും വീണ്ടും ശ്രദ്ധപോകേണ്ട വിഷയമായാണ് സംഭവം മാറുന്നത് – കുട്ടികൾ കളിക്കുന്ന സ്ഥലങ്ങൾ അപകടരഹിതമാക്കേണ്ടതിന്റെ ഗൗരവം ഈ സംഭവം വിളിച്ചുപറയുന്നു.
Post a Comment