താമരശ്ശേരി മണ്ഡലം കെ എൻ എം മദ്റസ അധ്യാപക സംഗമം

 താമരശ്ശേരി: മണ്ഡലം കെ എൻ എം മദ്റസകളിലെ മുഴുവൻ അധ്യാപകരെയും പങ്കെടുപ്പിച്ച് വിപുലമായ സംഗമവും കോംപ്ലക്സ് രൂപീകരണവും മണ്ണിൽകടവ് സലഫി മദ്റസയിൽ നടന്നു. മണ്ഡലം കെ എൻ എം പ്രസിഡണ്ട് ഷാജി മണ്ണിൽകടവ് അധ്യക്ഷത വഹിച്ചു. സംസ്ഥാന കൗൺസിലർ കെ. എം. അഷ്റഫ് സംഗമം ഉദ്ഘാടനം ചെയ്തു.

വിദ്യാർത്ഥികളുടെയും അധ്യാപകരുടെയും ആത്മബന്ധം പഠനാന്തരീക്ഷത്തിലെ ഏറ്റവും സ്വാധീനവും നിർണായകവുമായ ഘടകമാണെന്നും, ആത്മബന്ധമുള്ള വിദ്യാർത്ഥികൾക്കേ അക്കാദമികമായി മികച്ച പ്രകടനം കാഴ്ചവെക്കാനും സമൂഹത്തിൽ ഉന്നത നിലവാരമുള്ളവരായി മാറാനും സാധിക്കുകയുള്ളുവെന്നും അദ്ദേഹം ഓർമ്മിപ്പിച്ചു.

ഖുർആൻ പാരായണം പി.പി. റുഖിയ്യ ടീച്ചർ നടത്തി. എം.വി. മുഹമ്മദ് കോയ, ഇ.കെ. മുഹമ്മദ് മണ്ണിൽകടവ് എന്നിവർ സംസാരിച്ചു. അക്കാദമിക് വിഷയങ്ങളിൽ മണ്ഡലം കെ എൻ എം ജനറൽ സെക്രട്ടറി പി.പി. അബ്ദുസ്സലാം മാസ്റ്റർ ക്ലാസെടുത്തു.

പുതിയ ഭാരവാഹികൾ

കോംപ്ലക്സ് ഭാരവാഹികളായി:

• മുഹമ്മദ് കോയ അടിവാരം (പ്രസിഡണ്ട്)

• വി.കെ. മുഹമ്മദ് മാസ്റ്റർ, സുഹറ ടീച്ചർ മണ്ണിൽകടവ് (വൈസ് പ്രസിഡന്റുമാർ)

• ജാഫർ കോളിക്കൽ (ജനറൽ സെക്രട്ടറി)

• ഷറീന ടീച്ചർ, താഹിറ ടീച്ചർ അടിവാരം (സെക്രട്ടറിമാർ)

• സഫിയ ടീച്ചർ മണ്ണിൽകടവ് (ട്രഷറർ)

• ഇ.കെ. മുഹമ്മദ് മണ്ണിൽകടവ് (ഐ.ടി. കോർഡിനേറ്റർ)

ജനറൽ സെക്രട്ടറി ജാഫർ കോളിക്കൽ നന്ദി പറഞ്ഞു.

Teachers' gathering at Salafi Madrasa in Thamarassery highlighting student-teacher bonding